اذان کا جواب دینے کا طریقہ

Azaan ka jawaab dene ka tareeqa

>>> مؤذِّن صاحِب کوچاہئے کہ اَذان کے کلمات ٹھہر ٹھہر کر کہیں۔
’’اللہُ اَ کْبَرُ ط اللہُ اَ کْبَرُ‘‘ دونوں مل کر (بغیر سکتہ کئے ایک ساتھ پڑھنے کے اعتبار سے)ایک کَلِمہ ہیں دونوں کے بعد سَکْتہ کرے (یعنی چپ ہوجائے) اور سَکْتہ کی مقدار یہ ہے کہ جواب دینے والاجواب دے لے،
- سَکْتہ کاتَرْک مکروہ ہے اورایسی اذان کااِعادَہ مستحَب ہے۔
------------------------------------
(الدر المختار و ردالمحتار ج۲ص۶۶)
-------------------------
>>> جواب دینے والے کو چاہئے کہ جب مُؤَذِّن صاحِب ’’اللہُ اَ کْبَرُ اللہُ اَکْبَر‘‘ کہہ کر سکتہ کریں یعنی خاموش ہوں اُس وقت ’’اللہُ اَ کْبَرُ اللہُ اَکْبَر ‘‘ کہے۔اِسی طرح دیگرکَلِمات کاجواب دے۔
-------------------------
- جب مُؤَذِّن پہلی بار’’اَشْھَدُ اَنَّ مُحَمَّدًا رَّسولُ اللہ‘‘ کہے، یہ کہے :
’’صَلَّی اللہُ عَلَیْکَ یا رَسُوْلَ اللہ‘‘
آپ پر دُرُود ہویارسول اللہ (صلی اللہ تعالٰی علیہ واٰلہٖ وسلَّم)
(رد المحتا ر، ج۲،ص ۸۴)
-------------------------
- جب دوبارہ کہے، یہ کہے:
’’قُرَّۃُ عَیْنِیْ بِکَ یَارَسُوْلَ ﷲِ‘‘
یا رسولَ اللہ !(صلی اللہ تعالٰی علیہ واٰلہٖ وسلَّم) آپ سے میری آنکھوں کی ٹھنڈک ہے
(المرجع السابق)
- اور ہر بار انگوٹھوں کے ناخن آنکھوں سے لگالے، آخِر میں کہے:
’’اَللّٰھُمَّ مَتِّعْنِیْ بِالسَّمْعِ وَالْبَصَرِ‘‘
اے اللہ عَزَّوَجَلَّ!میری سننے اور دیکھنے کی قُوّت سے مجھے نفع عطا فرما
(المرجع السابق)
جو ایسا کرے سرکار مدینہ صَلَّی اللہ تَعَالٰی عَلَیہِ وَاٰلہٖ وَسلَّم اسے اپنے پیچھے پیچھے جنت میں لے جائیں گے۔(المرجع السابق)
-------------------------
>>> ’’ حَیَّ عَلَی الصَّلٰوۃ اور حَیَّ عَلَی الْفَلاَح ‘‘ کے جواب میں (چاروں بار) ’’ لَا حَوْلَ وَلاَ قُوَّۃَ اِلَّا بِاللہ ‘‘ کہے اور بہتر یہ ہے کہ دونوں کہے(یعنی مُؤَذِّن نے جو کہا وہ بھی کہے اور ’’لَاحَول‘‘ بھی) بلکہ مزیدیہ بھی مِلالے:
’’مَاشَآءَ اللہُ کَانَ وَمَا لَمْ یَشَأْ لَمْ یَکُن‘‘
جو اللہ عَزَّوَجَل نے چاہاہو ا،جو نہیں چاہا نہ ہوا
(الدرالمختاروردالمحتار، ج۲،ص۸۲، الفتاوی الھندیۃ، ج۱،ص۵۷)
-------------------------
’’ اَلصَّلٰوۃُ خَیْرٌ مِّنَ النَّوْمِ ‘‘ کے جواب میں کہے:
’’صَدَقْتَ وَ بَرَرْتَ وَ بِالْحَقِّ نَطَقْتَ‘‘
توسچا اورنیکو کار ہے اورتو نے حق کہا ہے
(الدرالمختاروردالمحتار، ج۲،ص۸۳)
-----------------------------------------------------------