نبی اکرم صلی اللہ علیہ وآلہ وسلم پر درود و سلام بھیجنا بہت بڑی عبادت بھی ہے اور سعادت بھی۔اللہ تعالی کی بارگاہ میں تقرب کا ذریعہ و وسیلہ ہے تو بارگاہ رسالت میں حضور و شہود کا بھی۔ رب محمد صلی اللہ علیہ وآلہ وسلم کی طرف سے رفعت درجات ، محو سیئات اور حصول حسنات کا موجب ہے تو محمد کریم صلی اللہ علیہ وآلہ وسلم کی طرف سے حصول دیدار اور جوابی تسلیمات و دعوات کا اور روز محشر اللہ تعالی کا سایۂ عرش میں راحت و سکون کے حصول کے باعث ہے تو رحمت مجسم کے قرب اور ظل عاطفت کے حصول کا بھی ۔زیر نظر کتاب میں مصنف نے درود و سلام کی اہمیت ، اس کے فضائل و فوائد اور ثمرات و برکات اور نہ پڑھنے کی نحوست اور محرومی پر تفصیل سے گفتگو کی ہے۔